Qədir-xum hadisəsi sözsüz ki, İslam tarixinin ən əhəmiyyətli hadisələrindəndir. Bu səbəblə hər iki firqə bu hadisəyə xüsusi diqqət ayırmışdır. Müxaliflər bu hadisənin bəzən özünü inkar etmək, bəzən isə çatdırdığı mənanı təhrif etməyə cəhd etməklə İmam Əlinin imamət və fəzilətinə dəlalət edən belə bir əhəmiyyətli hadisəyə kölgə salmağa çalışmışlar.
Bunun müqabilində isə tarixən alimlərimiz çoxlu əziyyətlərə qatlaşmaqla da olsa, bu inkarçı mövqedə dayanan şəxslərin əsassız sözlərini əsaslı dəlillərlə cavablandırmışlar. Hətta bu alimlərdən bəziləri bu hadisəni kökündən inkar etməyə çalışanlara cavab verməkdən ötrü tarixdə bir gündə baş vermiş hadisənin isbatı üçün cildlərlə kitab yazmışlar.
Hal-hazırda mövcud olan bu böyük alimlərdən biri də Ayətullah Seyid Əli Milanidir. Sizə təqdim etdiyimiz bu kitab bu böyük alimin Qədir-xum hadisəsi ilə əlaqədar nazil olmuş ayələr barədə qələmə aldığı bir əsərdir. Müəllif bu kitabda bu ayələrin Qədir-xum hadisəsi ilə əlaqədar nazil olmasını əhli-sünnə hədis kitabları əsasında araşdırır.
Bu kitabda böyük İslam şəxsiyyətlərinin, o cümlədən Peyğəmbəri-Əkrəm, imamlar və böyük alimlərimizin keçmişdən indiyə qədərki müxtəlif məsələlər barəsində elmi mübahisələri qeyd olunmuşdur ki, bu da onların inkarçı, şübhəçi insanlarla mübahisə üslubunu göstərir. Həmçinin, bu mübahisələr haqqı necə müdafiə etmək lazım olduğunu öyrədir. Ümumilikdə kitab iki hissədən ibarətdir. Birinci hissədə İslam peyğəmbəri, imamlar (əleyhimussalam) və onların tələbələri tərəfindən müxtəlif şəxslərlə və müxtəlif hədislər barəsində olan mübahisələr qeyd olunmuşdur. İkinci hissədə isə böyük mühəqqiqlərin və alimlərin müxtəlif şəxslərlə apardığı mübahisələrdən ibarətdir ki, kitabdakı bütün mübahisələrin sayı hamısı birlikdə yüzə çatır.
